A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Profil Cagub Cawagub Kalsel Zairullah Azhar-Muhammad Sapii - Pulau Banua Banjar
Pulau Banua Banjar
Bangga Jadi Urang Banjar
Sabtu
20
Januari 2018
Habar Banua
Profil Cagub Cawagub Kalsel Zairullah Azhar-Muhammad Sapii
Tanggal :11 Uktubir 2015
Dibaca :3643 kali

Zairullah Azhar wan Muhammad Sapi'i wayah mendaftar jadi calon gubernur wan calon wakil gubernur Kalimantan Selatan ke KPU Kalsel.

Zairullah Azhar

dr.H.M.Zairullah Azhar, lahir di Pagatan, Kabupaten Tanah Bumbu, tanggal 2 April 1954. Sidin sekolah SR sampai SMP di Pagatan, lalu menyambung ke SMAN 2 Banjarmasin. Sidin lalu kuliah di Fakultas Kedokteran Universitas Sebelas Maret Surakarta.

Salawas kuliah sidin aktif baorganisasi. Sidin pernah jadi Ketua Umum Senat Mahasiswa Fakultas Kedokteran Universitas Sebelas Maret, Ketua Presidium Ikatan Senat Mahasiswa Kedokteran se-Indonesia wan Ketua Presidium Persatuan Mahasiswa Kalimantan Selatan (PMKS) se-Jawa Bali.

Di organisasi sidin pernah jua jadi Ketua umum DPD KNPI Kalimantan Selatan tahun 1985-1988, Ketua DPP KNPI Pusat tahun 1988-1991, Sekretaris Umum ICMI Kalimantan Selatan tahun 1991-1994 wan Ketua Umum DPW Pemuda Pancasila Kalimantan Selatan tahun 1985-2000.
Zairullah Azhar.

Karir jadi dokter sidin dimulai tumatan jadi Dokter Puskesmas Anjir Muara, Kabupaten Barito Kuala, tahun 1982-1984. Lalu sidin jadi Kepala Puskesmas Kayu Tangi Banjarmasin Utara tahun 1984-1986 wan jadi Kepala Puskesmas S.Parman Banjarmasin Utara tahun 1986-1998.

Tanggal 2 Juni 1998 sidin diangkat jadi Kepala Dinas Kesehatan Kotamadya Banjarmasin. Lalu tanggal 4 Agustus 1998 sidin jadi Kepala Kantor Departemen Kesehatan Kotamadya Banjarmasin. Di tahun nang sama, tanggal 1 September, sidin diangkat jadi Kepala Bidang Akreditasi Kanwil Depkes Propinsi Kalsel. Tahun 2000, terhitung sidin dibari kepercayaan jadi Kepala Dinas Kesehatan Propinsi Kalsel. Tahun 2000-2003 sidin menjabat Staf Ahli Gubernur Bidang Politik Provinsi Kalimantan Selatan.

Mulai tanggal 8 April 2003 sidin diangkat jadi Pejabat Bupati Pemekaran Tanah Bumbu. Lewat Pilkada sidin mencalon jadi Bupati wan tapilih jadi Bupati Tanah Bumbu Periode tahun 2005-2010.

Tahun 2010 sidin mencalon jadi gubernur bapasangan wan Habib Aboe Bakar al-Habsyi dapat 22,65% suara kalah wan Rudy Ariffin - Rudy Resnawan nang dapat 46,81% suara. Kekalahan sidin diprediksi marga sidin kada asli urang Banua Banjar. Sidin keturunan suku Bugis nang lahir di Pagatan.

Wayah pemilu 2014 sidin mencalon wan tapilih jadi anggota DPR fraksi PKB mewakili Kalsel. Sidin lalu mundur jadi anggota DPR marga mencalon jadi gubernur Kalsel.

Di pemilihan gubernur Kalsel 2015 ngini sidin nang bisi istana anak yatim nang menampung ribuan anak yatim piatu ngini bacalon lagi jadi gubernur bapasangan wan Muhammad Sapi'i nang didukung PKB, Parta Demokrat wan Partai Nasdem.

Muhammad Sapi'i

DR.H.Muhammad Sapi'i, M.Si, lahir di Negara, Kabupaten Hulu Sungai Selatan tanggal 1 Mei 1964. Sidin sekolah SD di SN Habirau 1 wan SMP di SMPN 3 Negara. SMA sidin di SMAN 3 Surabaya. Sidin lalu kuliah S1 di Ilmu Pemerintahan FISIP Unlam wan lulus tahun 1989. Sidin manyambung S2 Administrasi Pembangunan di Universias Hasanuddin Makassar lulus tahun 1995 wan S3 Administrasi di Universitas Brawijaya lulus tahun 2006.

Sidin bakarir jadi dosen di Unlam mulai tahun 1989. Tahun 1996 sidin jadi ketua jurusan Pemerintahan FISIP Unlam wan tahun 2002 jadi Pembantu Dekan II FISIP Unlam.

Selain akademisi sidin pernah jua mamingkuti jabatan pemerintahan. Sidin menjabat bupati Hulu Sungai Selatan tahun 2003-2013. Di pemilihan gubernur Kalsel 2015 ngini sidin jadi calon wakil gubernur bepasangan wan calon gubernur Zairullah Azhar.

Zairullah Azhar wan Muhammad Sapi'i.
Habar Banua
Profil Cagub Cawagub Kalsel Zairullah Azhar - Muhammad Sapii
Tanggal :11 Oktober 2015
Dibaca :3643 kali

Zairullah Azhar wan Muhammad Sapi'i wayah mendaftar jadi calon gubernur wan calon wakil gubernur Kalimantan Selatan ke KPU Kalsel.

dr.H.M.Zairullah Azhar, lahir di Pagatan, Kabupaten Tanah Bumbu, tanggal 2 April 1954. Ia sekolah SR hingga SMP di Pagatan, lalu melanjutkan ke SMAN 2 Banjarmasin. Ia lalu kuliah di Fakultas Kedokteran Universitas Sebelas Maret Surakarta.

Baca Jua:
Banyak Urang Banjar Sukses di Perantauan Kongres Budaya Banjar Gasan Penguatan Nilai Budaya Banjar Tujuh Kepala Daerah di Banua Dilantik Paman Birin Gubernur Panambayan Nang Dilantik Jokowi
PALING HANYAR
RANCAK DIBACA
Pulau Banua Banjar
Copyright © 2018 Pulau Banua Banjar.
All Right Reserved.