A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Ziarah ke Makam Datu Kalampayan - Pulau Banua Banjar
Pulau Banua Banjar
Bangga Jadi Urang Banjar
Sanayan
20
Nupimbir 2017
Habar Umat
Ziarah ke Makam Datu Kalampayan
Tanggal :07 Januari 2016
Dibaca :3045 kali

Makam Datu Kalampayan.

Datu Kalampayan atau Syekh Muhammad Arsyad Al Banjari dikenal sebagai ulama nang sudah kawa melukis warna sejarah pertumbuhan wan perkembangan Islam di Banua Banjar Kalimantan khususnya wan wilayah Nusantara umumnya. Matan hasil karya sidin nangkaya tulisan-tulisan nang terekam dalam beberapa kitab karangan sidin jua usaha-usaha dakwah pendidikan wan pembangunan nang sudah diulah sidin dalam jangka waktu labih kurang 50 tahun, berkembanglah Islam di Kalimantan dengan pesatnya. Matan hasil perjuangan sidin sudah lahir banyak banar tuan guru wan ulama nang menghidupakan wan menyebarakan Islam di Kalimantan.

Sebagai daerah religius, kada heran amun di Martapura, makam Ulama nang hidup tahun 1122-1227 Hijriah atau 1710 – 1812 Masehi ngini jadi sabuting objek wisata religius nang rancak didatangi wisatawan baik dalam wan luar negeri. Kitab karangan sidin nang sangat terkenal yaitu kitab Sabilal Muhtadin. Judul Kitab ngitu wayahini dijadiakan ngaran Mesjid terbesar di Banjarmasin. Kitab ngini jadi panduan gasan kada sedikit pengajian di Asia Tenggara.

Sidin ulama kelahiran Martapura, 13 Syafar 1122 Hijriah nang lawas menggali ilmu keislaman di Makkah dan Madinah. Pengaruh sidin kada cuma gasan masyarakat Kalimantan haja, tapi jua sampai ke Pulau Jawa. Wayah sidin bulik menuntut ilmu salawas labih kurang 30 tahun di Makkah wan 5 tahun di Madinah sidin disambut hangat masyarakat Batavia (Jakarta). Disana jua sidin sampat maubah kiblat beberapa mesjid nang menurut sidin kada tepat.

Konon dalam menunjukakan arah kiblat, urang nang datang sidin bulihakan melihat dicelah-celah lobang tangan jubah sidin wayah sidin menunjuk arah yang bujur, matan celah ngitu kelihatan jelas Baitullah, arah kiblat sabarataan kaum Muslimin. Mesjid ngitu nangkaya Mesjid Pakojan wan Mesjid Luar Batang Pasar Ikan Jakarta.

Selain mengajar, sidin jua membuka tanah perkebunan wan pertanian di Kelampaian, kada jauh matan kampung sidin di Dalam Pagar. Sidin bakebun buah-buahan wan tanaman nang lain wan murid-murid sidin. Tanah nang kosong, rendah wan babanyu, diulah jadi sungai. Dengan galian sungai ngini akhirnya tanah rendah ngitu dijadiakan persawahan nang tanahnya lumayan subur. Wayahini saluran sungai tadi kawa membaiki pengairan sawah masyarakat meliputi 8 buah kampung di kecamatan Astambul dan sekitarnya.

Syekh Muhammad Arsyad Al Banjari nang banyak memasukkan pengaruh Islam gasan pemerintahan Kerajaan Banjar ngini wafat tanggal 6 Syawal 1227 H atau sekitar 1812 M. Sesuai permintaan sidin dimakamakan di Desa Kelampaian Tengah kecamatan Astambul, sekitar 15 km dari Kota Martapura.

Sampai wayahini makam ulama besar nang sudah banyak mengajarakan ilmu Tauhid gasan masyarakat Banjar ngini rami banar dikunjungi kaum Muslimin nang beziarah kesana. Makam ngitu dilengkapi jua wan perpustakaan nang menyediakan buku-buku, baik buku karangan Syekh Muhammad Arsyad Al Banjari maupun buku nang bakisah tentang riwayat sidin.

Habar Umat
Ziarah ke Makam Datu Kalampayan
Tanggal :07 Januari 2016
Dibaca :3045 kali

Makam Datu Kalampayan.

Datu Kalampayan atau Syekh Muhammad Arsyad Al Banjari dikenal sebagai ulama yang mampu melukis warna sejarah pertumbuhan dan perkembangan Islam di Banua Banjar Kalimantan khususnya dan wilayah Nusantara umumnya. Dari hasil karyanya seperti tulisan-tulisan yang terekam dalam beberapa kitab karangannya maupun usaha-usaha dakwah pendidikan dan pembangunan yang sudah beliau rintis dalam jangka waktu labih kurang 50 tahun, berkembanglah Islam di Kalimantan dengan pesatnya. Dari hasil perjuangannya sudah lahir sangat banyak tuan guru dan ulama yang menghidupkan dan menyebarkan Islam di Kalimantan.

Baca Jua:
Pesantren Darussalam Pesantren Panuhannya di Banua Banjar Masjid Sultan Suriansyah Masjid Panuhanya di Banua Masjid Jami Sungai Jingah Masjid Basajarah di Banjarmasin
PALING HANYAR
RANCAK DIBACA
Pulau Banua Banjar
Copyright © 2017 Pulau Banua Banjar.
All Right Reserved.