A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Kain Sasirangan Kain Adat Urang Banjar - Pulau Banua Banjar
Pulau Banua Banjar
Bangga Jadi Urang Banjar
Kamis
21
Saptimbir 2017
Budaya Banjar
Kain Sasirangan Kain Adat Urang Banjar
Tanggal :09 Januari 2016
Dibaca :1702 kali

Kain Sasirangan.

Kain Sasirangan ngini kain nang biasa dipakai gasan upacara adat urang Banjar. Pamulaannya kain sasirangan dipakai gasan batatamba atau maobati urang nang takana penyakit marga kain sasirangan ngini dipercaya bisi kekuatan gasan mausir roh-roh jahat wan manjagai awak matan gangguan urang halus. Kain sasirangan bahari bebentuk laung, kakamban wan tapih. Gasan pewarna diambil matan bahan bahan pewarna alami nangkaya jahe, banyu pohon pisang, daun pudak wan nang lainnya.

Sekitar abad XII sampai abad ke XIV wayah zaman Karajaan Nagara Dipa, urang Banua sudah bisi Kain Calapan nang kena jadi Kain Sasirangan. Maumpati kesah urang bahari, kain sasirangan nang panambayan diulah wayah Patih Lambung Mangkurat batapa salawas 40 hari 40 malam di atas rakit balarut banyu. Imbah parak batapanya nang pahabisan rakit Patih datang ke daerah Rantau kota Bagantung. Lalu sidin malihat buih wan matan dalam buih tadangar suara binian, binian ngitu iya Putri Junjung Buih. Tapi inya hanyar muncul amun syarat-syarat nang dimintanya diumpati, yaitu sebuah istana Batung nang dituntungakan dalam sehari wan kain kawa tuntung sehari nang dicalap atau diwarnai oleh 40 urang putri wan motif wadi atau padiwaringin. Ngitu pang kain calapan atau sasirangan nang panambayan diulah.

Kain Sasirangan diulah matan proses pewarnaan rintang pakai bahan perintang nangkaya tali, benang atau nang sejenis maumpati corak-corak tertentu. Pada dasarnya teknik pewarnaan rintang maulah tempat-tempat tertentu jadi tehalang atau kada tambus penetrasi larutan zat warna. Prosesnya rancak diusahakan dalam bentuk industri rumah tangga, marga kada perlu alat khusus, cukup wan tangan haja gasan mendapatakan motif atau corak tertentu, lewat teknik jahitan tangan wan ikatan.

Baju Sasirangan nang dipakai kananakan Banjar wayahini.

Bahan baku kainnya nang banyak dipakai sampai wayahini nangkayabahan kain nang asalnya matan serat kapas (katun), polyester, rayon, sutera, wan nang lain. Desain nang didapatakan matan teknik-teknik jahitan wan ikatan ditentukan oleh beberapa faktor, nangkaya matan komposisi warna wan efek nang timbul nangkaya jenis benang gasan bahan pengikat.

Dengan mengkombinasiakan antara motif-motif asli nang sabuting wan motif asli nang lain, maka kain kain sasirangan makin bagus wan kelihatan modern. Selain ngitu motif-motif dimodifikasi jadi motif-motif nang bungas banar tapi kada meninggalakan ciri khasnya. Gasan melindungi budaya Banjar ngini, pemerintah sudah maakui lewat Dirjen HAKI Departemen Hukum dan HAM RI beberapa motif sasirangan nangkaya Iris Pudak, Kambang Raja, Bayam Raja, Kulit Kurikit, Ombak Sinapur Karang, Bintang Bahambur, Sari Gading, Kulit Kayu, Naga Balimbur, Jajumputan, Turun Dayang, Kambang Tampuk Manggis, Daun Jaruju, Kangkung Kaombakan, Sisik Tanggiling wan Kambang Tanjung.

Wayahini produk barang jadi nang dihasilakan matan kain Sasirangan nangkaya baju Tilai, Hem, Selendang, Kakamban, Gorden, Taplak Meja, Sapu Tangan, Seprai wan nang lain. Pemakaian Kain Sasirangan makin meluas kawa gasan lakian atau binian nang dipakai hari-hari baik resmi atau kada.

Budaya Banjar
Kain Sasirangan Kain Adat Orang Banjar
Tanggal :09 Januari 2016
Dibaca :1702 kali

Kain Sasirangan.

Kain Sasirangan merupakan kain yang biasa digunakan untuk upacara adat urang Banjar. Mulanya kain sasirangan digunakan untuk menyembuhkan orang yang tertimpa suatu penyakit karena kain sasirangan ini dipercaya memiliki kekuatan untuk mengusir roh-roh jahat dan melindungi badan gangguan makhluk halus. Kain sasirangan awalnya berbentuk laung (ikat kepala), kakamban (kerudung) dan tapih (sarung).

Baca Jua:
Pasar Wadai Tradisi Urang Banjar di Bulan Ramadhan Sinoman Hadrah Budaya Banjar Banafasakan Islam Tari Radap Rahayu Kisah Bidadari Manyalamatakan Kapal Lambung Mangkurat
PALING HANYAR
RANCAK DIBACA
Pulau Banua Banjar
Copyright © 2017 Pulau Banua Banjar.
All Right Reserved.