A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Asal Mula Nama Banjar - Pulau Banua Banjar
Pulau Banua Banjar
Bangga Jadi Urang Banjar
Kamis
21
Saptimbir 2017
Banjar Banar
Asal Mula Nama Banjar
Tanggal :12 Mai 2017
Dibaca :1213 kali

Patarungan Pangeran Samudera wan Tumenggung di atas jukung.

Bahari badiri sabuting karajaan bangaran Nagara Daha. Wayah Nagara Daha dipimpin Maharaja Sukarama, gejolak di kerajaan balangsung tarus-manarus. Biar Maharaja Sukarama maamanatakan supaya cucunya, Pangeran Samudera, kena menggantiakan tahta, tapi Pangeran Mangkubumi nang naik tahta.

Kerajaan kada ampih-ampihnya maalami kakacauan marga parabutan kekuasaan. Siapa haja nang menduduki takhta akan merasa kada aman dari rongrongan. Pangeran Mangkubumi akhirnya tabunuh wayah suatu usaha perebutan kekuasaan. Mulai wayah itu, Pangeran Tumenggung nang jadi penguasa kerajaan.

Pewaris kerajaan nang sah, Pangeran Samudera, pasti kada aman amun tetap badiam dalam Lingkungan kerajaan. Wan bantuan patih Kerajaan Nagara Daha, Pangeran Samudera malariakan diri. Sidin menyamar wan hidup di daerah sunyi di sekitar muara Sungai Barito. Matan Muara Bahan (Sungai Nagara), bandar utama Nagara Daha, maumpati aliran sungai sampai ke muara Sungai Barito, ada kampung-kampung nang babanjar-banjar atau baderet-deret malewati pinggir-pinggir sungai. Kampung-kampung ngitu Balandean, Sarapat, Muhur, Tamban, Kuin, Balitung, wan Banjar.

Di antara kampung-kampung ngitu, Banjar nang paling bagus andaknya. Kampung Banjar dibentuk oleh lima aliran sungai nang muaranya batamu di Sungai Kuin.

Marga andaknya nang bagus, kampung Banjar lalu bakambang jadi bandar, kota perdagangan nang rami dikunjungi kapal-kapal dagang matan macam-macam negeri. Bandar ngitu di bawah kekuasaan saikung patih nang biasa disambat Patih Masih. Bandar ngitu jua dikenal bangaran Bandar Masih.

Patih Masih tahu bahwa Pangeran Samudera, nang mamingkuti hak atas Nagara Daha nang sah, ada di wilayahnya. Lalu, Patih Masih membawai Patih Balit, Patih Muhur, Patih Balitung, wan Patih Kuin gasan barunding. Buhanya basapakat mencari Pangeran Samudera di wadah pasambunyiannya gasan dinobatakan jadi raja, maumpati wasiat Maharaja Sukarama.

Dengan diangkatnya Pangeran Samudera jadi raja wan Bandar Masih jadi pusat kerajaan sekaligus bandar perdagangan, magin tadasaklah kedudukan Pangeran Tumenggung. Apalagi buhan patih kada maakuinya lagi jadi raja nang sah. Buhannya gin kada rela menyerahkan upeti gasan Pangeran Tumenggung di Nagara Daha.

Pangeran Tumenggung kada tinggal diam mahadapi keadaan ngitu. Tentara wan armada diturunakannya ke Sungai Barito sehingga tajadi patampuran ganal. Peperangan basambung tarus, belum ada kepastian pihak mana nang menang. Patih menyaranakan wan Pangeran Samudera supaya minta bantuan ke Demak. Jar Patih Masih, wayahitu Demak jadi penakluk kerajaan-kerajaan nang ada di Jawa wan jadi kerajaan takuat salain Majapahit.

Pangeran Samudera lalu mengirim Patih Balit ke Demak. Demak hakun mambariakan bantuan, asal Pangeran Samudera hakun wan syarat nang buhannya ajuakan, yaitu hakun masuk agama Islam. Pangeran Samudera hakun menerima syarat ngitu. Lalu, sabuting armada ganal tulak menyerang pusat Kerajaan Nagara Daha. Armada ganal ngitu isinya tentara Demak wan sekutunya matan seluruh Kalimantan, nang menolong Pangeran Samudera wan bubuhan patih pendukungnya. Kontak senjata pamulaan tajadi di Sangiang Gantung. Pangeran Tumenggung kawa dipukul mundur wan batahan di muara Sungai Amandit wan Alai. Korban baguguran di kedua belah pihak. Bendera Pangeran Samudera, Tatunggul Wulung Wanara Putih, semakin banyak bakibar di tempat-tempat nang kawa ditaklukannya.

Hati Arya Terenggana, Patih Nagara Dipa, sedih melihat kayaitu banyak korban rakyat jelata matan kedua belah pihak. Sidin mausulakan wan Pangeran Tumenggung sabuting cara gasan maulah peperangan lakas tuntung, yaitu lewat perang tanding atau antara kedua raja nang bakalahi. Cara ngitu diusulakan supaya mahindari magin banyaknya korban di kedua belah pihak. Pihak nang kalah harus maakui kedaulatan pihak nang menang. Usul Arya Terenggana ngini diterima kedua belah pihak.

Pangeran Tumenggung wan Pangeran Samudera lalu naik sabuting jukung nang disambat talangkasan. Jukung-jukung ngitu dibawa oleh panglima kedua belah pihak. Kedua pangeran ngitu memakai pakaian perang wan membawa parang, sumpitan, keris, wan telabang.

Kedua pangeran saling bahadapan di Sungai Parit Basar. Pangeran Tumenggung dengan nafsu angkaranya handak membunuh Pangeran Samudera. Sebaliknya, Pangeran Samudera kada tega berkelahi melawan pamannya sorang. Pangeran Samudera mempersilahakan pamannya gasan membunuh inya. Pangeran Samudera rela mati di tangan urang tuha nang pada dasarnya tetap diakuinya pamannya.

Akhirnya, luluh jua hati Pangeran Tumenggung. Kesadarannya muncul. Sidin kawa menatap Pangeran Samudera kada sebagai musuh, tapi sebagai kemanakannya. Pangeran Tumenggung manimbay senjatanya. Lalu, Pangeran Samudera dipaluk wan keduannya batatangisan.

Dengan hati tulus, Pangeran Tumenggung menyerahakan kekuasaan wan Pangeran Samudera. Jadinya, Nagara Daha ada di tangan Pangeran Samudera. Tapi, Pangeran Samudera handak menjadiakan Bandar Masih atau Banjar Masih jadi pusat pemerintahan marganya bandar ngitu taparak wan muara Sungai Barito wan sudah bakambang jadi kota perdagangan. Kada ngitu haja, rakyat Nagara Daha jua dibawa ke Bandar Masih atau Banjar Masih. Pangeran Tumenggung dibari daerah kekuasaan di Batang Alai dengan seribu urang penduduk jadi rakyatnya. Nagara Daha lalu jadi daerah kosong.

Sebagai raja nang baagama Islam, Pangeran Samudera maubah ngaran jadi Sultan Suriansyah. Hari kemenangan Pangeran Samudera atau Sultan Suriansyah, 24 September 1526, dijadiakan hari jadi kota Banjar Masih atau Bandar Masih.

Marga setiap kemarau landang (panjang) banyu jadi masin, lawas-kalawasan ngaran Bandar Masih atau Banjar Masih jadi Banjarmasin.

Akhirnya, Sultan Suriansyah meninggal. Makam sidin sampai wayahini rami didatangi urang. Andaknya di Kuin Utara, di pinggir Sungai Kuin, Kecamatan Banjarmasin Utara, Kota Banjarmasin.

Setiap tanggal 24 September Walikota Banjarmasin wan buhan pejabat berziarah ke makam ngitu gasan maningati kemenangan Sultan Suriansyah atas Pangeran Tumenggung. Sultan Suriansyah adalah sultan atau raja Banjar pamulaan nang baagama Islam.

Sedikit tambahan penjelasan Kerajaan Nagara Daha :

Kerajaan Nagara Daha didiriakan Putri Kabu Waringin atau jua biasa disambat Putri Kalungsu nang jua ratu taahir Kerajaan Negara Dipa wan anak lalakiannya, Raden Sari Kaburangan atau Sekar Sungsang nang bagalar Panji Agung Maharaja Sari Kaburangan.

Raden Sekar Sungsang ngini abahnya bangaran Raden Carang Lalean nang jua cucunya Pangeran Suryanata-Putri Junjung Buih, wan mamanya bangaran Putri Kabu Waringin atau Putri Kalungsu nang jua cucunya Lambu Mangkurat (Hikayat Banjar resensi I). Sekar Sungsang baagama Buddha Syiwa. Sidin mandiriakan candi wan lingga pangganalnya di Banua Banjar. Candi nang didiriakan ngitu bangaran Candi Laras. Putera-putera Raden Sakar Sungsang yaitu Raden Sukarama wan Raden Bangawan (Hikayat Banjar resensi I) . Putera panuhannya, Raden Sukarama nang menggantiakannya jadi raja nang bagalar Maharaja Sukarama.

Makam Sultan Suriansyah.
Banjar Banar
Asal Mula Nama Banjar
Tanggal :12 Mei 2017
Dibaca :1213 kali

Patarungan Pangeran Samudera dan Tumenggung di atas perahu.

Zaman dahulu berdiri sebuah kerajaan bernama Nagara Daha. Saat Nagara Daha dipimpin Maharaja Sukarama, gejolak di kerajaan berlangsung terus-menerus. Walaupun Maharaja Sukarama mempunyai amanat agar cucunya, Pangeran Samudera, nanti menggantikan tahta, akan tetapi Pangeran Mangkubumi yang naik tahta.

Makam Sultan Suriansyah.
Baca Jua:
Istana Kuning Bukti Kejayaan Kesultanan Banjar di Kalteng Macan Jejadian Dalam Kepercayaan Masyarakat Banjar Adab Batatukar Urang Banjar 5 Alasan Kenapa Galuh Banjar Bakal Membuat Kamu Jatuh Cinta Setengah Mati
PALING HANYAR
RANCAK DIBACA
Pulau Banua Banjar
Copyright © 2017 Pulau Banua Banjar.
All Right Reserved.