A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Aruh Ganal Palangkaraya Lestariakan Budaya Banjar di Kalteng - Pulau Banua Banjar
Pulau Banua Banjar
Bangga Jadi Urang Banjar
Sabtu
21
April 2018
Banjar Banar
Aruh Ganal Palangkaraya Lestariakan Budaya Banjar di Kalteng
Tanggal :20 Mai 2015
Dibaca :1431 kali

Gubarnur Kalsel, Rudy Ariffin wayah mambuka Aruh Ganal Banjar di Palangkaraya

Hari Sabtu tanggal 16 Mei di Palangkaraya urang Banjar di Kalteng maulah Aruh Ganal. Puluhan ribu urang Banjar Kalteng wan urang Banjar nang datang matan Kalsel, Kaltim, Kaltara, Kalbar, Jawa, Sumatera, Sulawesi sampai Malaysia, Singapura wan Brunei umpatan mandatangi aruh ganal ngini.

Aruh Ganal nang diadakan di GPU Tambun Bungai wan Lapangan Sanaman Mantikei, Palangkaraya mulai jam 07:00 ngitu diramiakan wan macam-macam seni budaya wan adat Banjar nangkaya baayun anak, maarak pengantin Banjar, fasĀ­hion show pakaian Sasirangan, pentas Nanang dan Galuh Banjar, seminar budaya Banjar, kuliner khas Banjar, madihin, musik panting, pertunjukan wayang kulit bahasa Banjar semalam suntuk, sinoman hadrah wan kuda gepang,

Aruh Ganal nang jua parayaan Isra dan Mi'raj Nabi Muhammad saw ngini didatangi Gubernur Kalsel H Rudy Ariffin nang jua ketua KBB pusat dikawani bupati-bupati di Kalsel, Gubernur Kalteng Agustin Teras Narang, wan pangeran Kesultanan Perak, Malaysia. Aruh Ganal dibuka Gubernur Kalsel, H Rudy Ariffin wan Gubernur Kalteng Agustin Teras Narang.

Aruh Ganal ngini kawa dipadahakan gasan maangkat batang tarandam seni budaya adat bubuhan Banjar sebagai bukti eksistensi budaya Banjar di Kalteng. Walau urang Banjar banyak banar di Kalteng tapi budaya wan kesenian Banjar jarang banar ditampilakan di Kalteng. Banyak urang Banjar di Kalteng nang sudah kada tapi tahu wan adat budaya Banjar.

Walau Bahasa Banjar sudah jadi bahasa utama di Kalteng marga banyaknya urang Banjar nang badiam di Kalteng wan Bahasa Banjar dipakai jua dalam pergaulan, tapi budaya Banjar di Kalteng jarang banar kelihatan, paling mun pengantenan pakaian Banjar dipakai. Lain wan urang Jawa nang jumlahnya sama wan urang Banjar di Kalteng, banyak banar ada paguyuban Jawa di Kalteng jadinya rancak kesenian Jawa tampil. Kayaitu jua Dayak banyak lembaga adat Dayak di Kalteng.

Nang kelihatan dari banyaknya urang Banjar di Kalteng cuma dari Bahasa wan makanan Banjar nang ada dijual dimana-mana, amun budaya di perkawinan gin nang kelihatan cuma pakaian Banjar ja, kesenian Banjar jarang ditampayakan.

Nangkaya pambakal padahakan tadi, di Kalteng banyak banar lembaga adat Dayak wan paguyuban Jawa, tapi organisasi urang Banjar hanyar ja ada. Amun organisasi nangkaya Kerukunan Urang Barabai, Kandangan atau Amuntai di Kalteng dasar sudah lawas ada tapi nang manyatuakan barataan urang Banjar hanyar ja tebentuk. Awal 2014 samalam Kerukunan Bubuhan Banjar Kalimantan Tengah nang ketuanya Prof.Ahmadi Isa dibentuk wan dilantik pengurus KBB Kalteng masa bakti 2014-2019.

Nang penting Urang Banjar tetap jaga persatuan, jangan bacakut papadaan, tetap kada melapas adat budaya identitas Banjar biar madam ka Banua urang. Urang Jawa atau Bugis nang merantau buhannya tetap melestariakan seni budayanya biar di wadah urang, kayaitu jua Urang Banjar paling kada kita rajin menyetel lagu-lagu Banjar wan memakai sasirangan, apalagi di Kalteng jumlah urang Banjar banyak banar tapi masih jarang ada upacara/kesenian Banjar ditampayakan.

Mudahan dengan adanya Kerukunan Bubuhan Banjar Kalteng kawa makin melestariakan budaya Banjar di Kalteng nang sudah banyak ditinggalakan. Aruh Ganal di Palangkaraya nang didatangi puluhan ribu urang sudah jadi bukti eksistensi budaya Banjar di Kalteng. Terus lestariakan budaya Banjar di Kalteng. Saran pambakal mudahan tokoh-tokoh Banjar di Kalteng kawa meulah sanggar-sanggar budaya Banjar di Kalteng, jadi Aruh Ganal Banjar Kalteng tahun kena kada lagi mendatangakan kesenian Banjar matan Banua Kalsel, tapi samuaan budaya Banjar di Kalteng ditampilakan oleh kananakan Banjar nang badiam di Kalteng jua.

Banjar Banar
Aruh Ganal Palangkaraya Lestarikan Budaya Banjar di Kalteng
Tanggal :20 Mei 2015
Dibaca :1431 kali

Gubarnur Kalsel, Rudy Ariffin saat mambuka Aruh Ganal Banjar di Palangkaraya
Baca Jua:
Istana Kuning Bukti Kejayaan Kesultanan Banjar di Kalteng Macan Jejadian Dalam Kepercayaan Masyarakat Banjar Adab Batatukar Urang Banjar 5 Alasan Kenapa Galuh Banjar Bakal Membuat Kamu Jatuh Cinta Setengah Mati
PALING HANYAR
RANCAK DIBACA
Pulau Banua Banjar
Copyright © 2018 Pulau Banua Banjar.
All Right Reserved.