A PHP Error was encountered

Severity: Notice

Message: Only variable references should be returned by reference

Filename: core/Common.php

Line Number: 257

A PHP Error was encountered

Severity: Warning

Message: Cannot modify header information - headers already sent by (output started at /home/pbnjrcom/public_html/system/core/Exceptions.php:185)

Filename: libraries/Session.php

Line Number: 675

A PHP Error was encountered

Severity: Warning

Message: session_start(): Cannot send session cookie - headers already sent by (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

A PHP Error was encountered

Severity: Warning

Message: session_start(): Cannot send session cache limiter - headers already sent (output started at /home/pbnjrcom/public_html/system/core/Exceptions.php:185)

Filename: views/baca.php

Line Number: 2

Urang Banjar di Jawa Timur Jadi Bini Gubernur - Pulau Banua Banjar
Pulau Banua Banjar
Bangga Jadi Urang Banjar
Sanayan
20
Nupimbir 2017
Banjar Perantauan
Urang Banjar di Jawa Timur Jadi Bini Gubernur
Tanggal :30 Agustus 2015
Dibaca :2456 kali

Kesenian Banjar, Mamanda wayah silaturahmi urang Banjar di Surabaya nang diumpati Ibu Nafsiah Dahlan Iskan, sidin urang Banjar jua wan Bupati Balangan Sefek Efendie.

Ada sekitar 20.000 urang Banjar nang badiam di Jawa Timur nang kebanyakannya badiam di Surabaya, Malang, Pasuruan wan Tulungagung. Amun ditambahi wan mahasiswa Banjar nang kuliah di Surabaya wan Malang jumlahnya bisa banyak lagi. Urang Banjar jua sabuting suku bangsa matan luar Jawa nang nyaman didapati di Jatim, nangkaya di Surabaya wan Malang.

Urang Banjar di Jawa Timur ada nang jadi pedagang, mulai pedagang baju, intan, emas sampai bajualan makanan Banjar nangkaya Soto Banjar wan Katupat Kandangan. Kada ngalih mandapati Soto Banjar di Surabaya. Masakan Banjar jua sabuting masakan luar Jawa nang banyak di Jawa Timur selain masakan Padang wan Makassar.

Soto Banjar di Surabaya wan Malang.

Di Jawa Timur banyak jua pedagang intan urang Banjar matan Martapura nang sudah mulai lawas badiam di kampung Kauman, Kecamatan Bangil, Kabupaten Pasuruan. Ada jua perkampungan urang Banjar nang bagawi bedagang emas di Kampung Dalem, Tulungagung.

Banyak jua urang Banjar nang jadi akademisi di universitas-universias di Jawa Timur. Ada Prof. Achmad Syahrani (Kandangan) nang menjabat wakil rektor Universitas Airlangga tahun 2010-2015, sebelumnya sidin jadi dekan Fakultas Farmasi Unair tahun 2007-2010. Ada jua Prof. Arief Amrullah (Kotabaru) nang menjabat dekan Fakultas Hukum Universitas Jember tahun 2008-2012 wan masih banyak lagi nang lain.

Tokoh Banjar di Jatim, mulai kiri : Nina Soekarwo (bini gubernur Jatim Soekarwo, ketua TP PKK Jatim), Prof Achmad Syahrani guru besar Farmasi Unair wan Prof Arief Amrullah guru besar Hukum Unej.

Tokoh-tokoh Banjar nang lain di Jatim, yaitu Ketua TP PKK Jatim, Hj. Nina Kirana Soekarwo, bini gubernur Jatim Soekarwo atau biasa disambat Pak de Karwo. Bini Dahlan Iskan, Nafsiah Sabri urang Banjar Kaltim.

Ulama Banjar ada jua di Jawa Timur. Guru Bangil atau Muhammad Syarwani Abdan Al-Banjari sidin ulama Martapura nang mendiriakan Pondok Pesantren Datu Kalampayan di Bangil, Pasuruan. Makam sidin rancak diziarahi urang matan macam-macam daerah di Indonesia sampai luar negeri.

Nang penting Urang Banjar tetap jaga persatuan, jangan bacakut papadaan, tetap kada melapas adat budaya identitas Banjar biar madam ka Banua urang. Paling kada kita rajin menyetel lagu-lagu Banjar wan memakai kain khas Banjar sasirangan atau laung. Kesenian Banjar nangkaya madihin, panting, lagu Banjar wan tarian Banjar jua harus kita lestariakan biar di perantauan. Urang Banjar perantauan jua harus bisi peran penting dalam pembangunan daerah baik di Banua maupun perantauan.

Banjar Perantauan
Urang Banjar di Jawa Timur Jadi Istri Gubernur
Tanggal :30 Agustus 2015
Dibaca :2456 kali

Kesenian Banjar, Mamanda ditampilkan saat silaturahmi urang Banjar di Surabaya yang diikuti Ibu Nafsiah Dahlan Iskan, beliau urang Banjar juga dan Bupati Balangan Sefek Efendie.

Ada sekitar 20.000 urang Banjar yang tinggal di Jawa Timur, yang kebanyakannya bermukim di Surabaya, Malang, Pasuruan dan Tulungagung. Jika ditambah dengan mahasiswa Banjar yang kuliah di Surabaya dan Malang jumlahnya lebih banyak lagi. Urang Banjar juga salah satu suku bangsa dari luar Jawa yang mudah ditemui di Jatim, seperti di Surabaya dan Malang.

Baca Jua:
Urang Banjar di Kalteng Memimpin Ekonomi Urang Banjar di Kaltim Pemimpin Pembangunan Urang Banjar di Kalbar Lumayan Banyak Jua Urang Banjar di Jawa Tengah bisi Tradisi Bubur Samin
PALING HANYAR
RANCAK DIBACA
Pulau Banua Banjar
Copyright © 2017 Pulau Banua Banjar.
All Right Reserved.